What e Weekend!
Zerscht dä grauehaft Uffdritt vo de Rotblaue gege die absolut blinde Schotte, denn der Fascht-Absturz vom Anschbi im Käller vo der Alte Garde won y quasi e Kurzussbildig als Altepfläger ha könne gniesse. Am Sunntig hett denn wenigschtens der FCB gwunne - d Ergäbnis vo de Regierigsrootswaale hänn allerdings derzue basst. D Frau Herzog schwätzt öppis vo wäge "me muess jetzt den Armen und Grangge Sorg draage und nüt me sparen in däm Beraich" - die waiss halt wär sy wäält und ass me mit der Verschuldig die böse Bürgerliche ka verdryybe wo die andere wääle. Y glaub aber au sy het doderbyy au an Muri dänggt, derbyy isch das jo au ain vo dääne wo gar nit in der Stadt woont. Der Guy Morin widerum isch aigentlig numme der Oli Kreuzer Fussballgott mitere wieschte Larven aa - das höört me ganz genau wenn är s Muul uffmacht. Y dängg är wird sich in erschter Linie derfür yysetzen ass LogopädInne vom Staat unterstützt wärde. Die Bürgerliche anderersyts hänn wider mol zaigt ass sy uff der ganze Linien unfääig sinn - härzlige Dangg au an Waichsoon-HaMaTschu.
posted by Tüllhuffe at 7:13 AM
3 Comments:
... weenigschtens sin d'draemmli scho mol grien ;-)
Ich ha beschlosse, dass ich nach daene kataschtrophale bolytysche (?) news (wo ich ha deerfe dr hart mitti-raechts bolyyddysierende BaZ entnaeh...) nyymmy uff basel zrugg kum. nai, es isch nur no druurig. do bi de teedringger isch zwar theoretisch au alles linggs, aber linggs isch do mehr oder weniger raechts und dr tony immer guet fyyr e luschtige gag. jetzt duet me sich do grad eggsdreem waege identitaetskarte echauffiere und ribt sich denn verwunderet d'auge, wenn me z'heere bikunnt as das in dr schwiz scho sit eh und jeh gang und gaeb isch (und mir drotzdaem kai polizeistaat sin, wo uns d'regierig duet usspioniere...).
anyway: aigentlygg isch basel do jo raecht hoch im kurs (nid nur will Basel II uns unser daeglygg brot beschaert, sondern au waegem fuessball [!]). und nach mine intensive marketingbemueehige waerde jetzt au ca. 20 inder (jo, richtigi rundee dundees vo bombay) ihre waeg an rhyy finde ("can you send me a list with all the interesting sights?" - phew.). ich glaub, jetzt muess ich die touristisch waerbekampanie waege de ungynschtyge bolyyddysche gegaebehaite aber wieder abbloose. hei nomol, so schad.
das waers mol fyyrs erschte us em posh glasdurm vo oscht-london. und fyyr die wos nooni gmeerggt haen: jo ych ka kai baaseldyytsch. aber luschtig ischs allewyyl ;-)
(uebrigens: mi bilotbroaeggd "schuetzepfuetze import" isch bi n=2 e durchschlagende erfolg gsi!)
(und: mini mamme isch denn yybrigens au e logopaedin - muesch bytz uffbasse was de saisch byyrschdly!)
12:26 PM
Dä Kommentar vom anonyme Maa us London hett mer so mängs Lächlen uff d Lippe zauberet. Villicht ka dy Mammen em Guy jo s aint oder ander Wort uff Änglisch byybringen UND glyychzyttig das "s" bitz umfunggzioniere. Villicht wird dä Fääler au ganz trendy und sy kennt sich uff das spezialisiere - au ooni doofs Dütsch-Diplom...
Schyynts goot d Herzog evtl. gar nit ins Wirtschafts-Dep. wo noch em Wäggsel vom Ralph zu de Finanze (he's my only hope - sig gfelligscht bitz moderat, Maa....) frey wird sondern zu de Schuele und der Morin zur Gsundhait. Das wurd dämfall wool Eymaa in der Wirtschaft haisse was y nit unbedingt schächt fänd.
12:38 PM
Waehrend ych do no schboot im byro hogg und uff e deelifoon vo aim usem groose gantoon wart (die kaibe schaffe bis in die tief nacht yhne), khaani jo glatt none baar sezzli schriibe (ych main nadyyrligg tybbe). ych gseh dr maa mit em tuellhuffe isch am breake (literally speaking, oder?) und nid am schaffe wie sy unglaublich broduggdyyve artgenoss aehne am kanal.jaejae, das scheene studaentelaebe.
ych gseh, s'bolyyddysch glyymaa in basel isch rasant im umbruch... wenn DAS nur guet kunnt. jo saagemol!
by daere glaeaegehait muess ych nadyyrlyygg no uff das brachtswaedder hiwyyse, wo uns do uff dr insle bescheert isch: e wunderscheene sunneuntergang haemmer gha - s'obbigroot het sich scheen yber dr millenium dome (jo, fyr was me dae saich bruucht waiss do aigentlyygg kaine so raecht - aber fyyr e baar treehuggers waehrend em sozialforum z'beheerbaerge hets no immer glaengt) gsaenggdd (und das scho vor yber zwai schtund) und trogge ischs scho syt maenge daeg (OK, geschter e bitz fiecht, aber sunnscht aigentlyygg subber). so: nyydisch? :-) und wenn dae siech jetzt denn nid sofort si arsch beweggd, denn aended dae im "crancenhouse" (das isch DAS [ainzige] dytsche wort wo aini vo mine gschbuusi het uff dytsch kenne. vo was kunnt das aechtsch?)!
1:20 PM
Kommentar veröffentlichen
<< Home