Hurry, hurry, hurry - buy my rice and curry!
Well geschter im Kassesturz sone härzerwaichende Bricht ko isch wo zaigt het ass im böse Ryysmärt daatsächlig der Märt spiilt und die arme Lüt in Thailand nit vyl verdienen usser wenn der Briis durch Max Havelaar künschtlig hoch ghebt wird (Ineffiziänz und kaini Aaraiz rule!) het d Scheffyyköifere vom familiäre Huushaltsbetriib entschiiden ass sy jetzt au numme no die Körnli mit däm Siigel wott kaufe. Y hanere jetzt gsait y well doch nit inere kommunischte Kommune huusen, aber aigentlig isch das soziale Verhalte jo gar nit sone schlächti Sach - wär sy Gwüsse dermit ka beruige söll das numme mache.
posted by Tüllhuffe at 3:27 PM
1 Comments:
bim thema riis isch glaub grad mol dr "eggsbbaert" agsproche.
do in 日本 wird praktisch dr ganz tag riis gaesse (zum zmorge (!), zum zmittag als biilag und zum znacht au als biilag - meischtens) und dae chunnt zu fascht 100% us japan. do muess qualitaet ahne, eigebroduggdsion isch also gfrogt. nuet mit arme thai- oder chineesemaitly wo dr riis dueen aernte. das waer jo sowieso oebbis us em usland und das woett me schliesslich bim grundnahrigsmittel schlaechthin nid riskiere. irgendwelchi qualitaetssiigel bruuchts do nid und ichaufe tuet me das zueg grad in multi-kilo-saegg. kasch dinere scheffyykoeiffere yybermyyddle, as sy als alternative cha japanische riis ykaufe. isch im fall no guet und mit sozialem muess me kai angscht ha... (frog mi aber nid wies mit subventione usseht...)
8:39 PM
Kommentar veröffentlichen
<< Home