Sache gits...

Binis grad im Coop City go Zuedaate fürs ultimative-Diss-Joke-Gschängg go kaufe. Die Damen in der Spiilwaarenabdailig isch offesichtlig so froo gsii ass sen emoll öpper kunnt go bsueche dört ooben ass sy my grad "verwöönt" het. Das ganze Züüg het nit vyl koscht, jedefalls het sy denn gfrogt öb sys gar sell in e Sagg mache. Jedefalls het sy denn woorschyynlig gmaint: "Jöö, dä jung Babbe/Götti ka sich numme s Billigscht laischte, dä het no mee verdient" oder villicht au "Ich bremse auch für Kinderschänder", jedefalls isches nit gnue ass ääns der Bryys drabknüüblet het (unnötig, wir jo eh usspaggt und verschandlet) und s ine Gschängg-Couvert gsteggt het, nai, s het au non e Schläggstängel druffpaggt! Bruuchis doch kai Loggmittel verglemmi!