Rationalisierig

Well jo doo sunsch eh nüt lauft muess halt scho Gschriibes wiiderverwärtet wärde. Und der Diss-Thread im FCB-Forum isch jo so kultig ass me dä aigentlig eh muess nöime spaichere.

Aagfange hets mitem Tülli sälber an zewai Glyggekamerädli wo flyssyg am Raime gsii sinn:

"Das glaubsch jo nit wär sich doo will mässe,
göönd lieber wider zämmen in McDo go frässe!
Der Rino faart ummen isch gar nit lazy,
d Riechemer Usgoob vom Schofför vo der Miss Daisy.
Der Platini spiilt denn halt die alti Schrulle,
wenn er nit grad em Prof am Digg duet lulle.

S vernünftig Volgg woont scho lang nüm z Rieche,
sytt ich wägg bi gitz dört nur no laami Sieche.
Öb im Fame, Papa Joe's oder der Rio -
Wenn iir zwai yymarschieret haissts "Dio Mio".
Der aint isch doof, der ander kasch der dängge,
dient iir nur wytter flyssig d Pseudogangsta-Faane schwängge!
Euri Zuekunft, s isch hart, muesch in ganz schwarz moole,
Gits öppis z teschte haissts: wiiderhoole!

Numme do in der City bisch wirligg derbyy,
iir wurdet jo au gärn so nooch bim Stadthärz syy.
Doo im Zentrum vo Hochfinanz und Flaniermaile,
Kann y no wirgligg my Charme verdaile.
Kömmet iir ind die gross Stadt, s isch aifach hart,
Lache Lüt über euch, die hänn no kai Bart.
Me gseets sofort, die kömme vom Land, vo wytt här,
Dä komisch Aggro-Profässer und sy Küschelbär!
Hänn vyl z vyl Zytt im Säggser-Dram verbrocht,
kai Wunder ass s Hirn denn halt langsam kocht.

Drum sag ych euch, löönds aifach blyybe,
um Depressione wäge mym Softie-Diss z vermyyde.
Platini, muesch nit immer no deftig noochedruure,
ass dy kaine will vo de ghaime Dambuure, de suure.
Und Rino, mach ys Blatz frey und gang unter d Larve,
nochhär hets Ruum für die ganz Algarve."

Der Platini a.k.a. Muschti het denn au prompt...ää...ainiges spöter gantwortet und zwar eso:

"oha, der oschtschwitzer spitzeschtudänt
probiert au z' disse, aber däm machi e n änd
schnuurt gross umme, i glaub du bisch verruggt
hesch der widermol z'vill biecher iinedruggt?
i sag jo st.galle das duet der nid guet
hesch nur no e grosse lade und e portion z'vill muet
und au dir sagi nur zur prof-aafiggerei
wär im glashuus sitzt, dä wirft nid mit schtei
im gegesatz zue mir du glatte
dien tescht bi dir bim erschte mol klappe
mister bachelor of arts und so...
besser für di wärs wenn wider würdsch go lerne go
well das wo jetz kunnt riehrt di zu drääne
du gangschter verschnitt usem fame ääne
schtarrsch em nat-nat scho lang uff d bölle
nur s problem isch, si het di nie wölle
e komische gschmagg heig si bi ihrne fründ
do bassisch du jo drii, was sin denn d gründ
für dini chronischi-junterössli erfolglosigkeit ?
wobii, do misch mi nid drii, das ha der jo gseit !

in der schtadt wohnt me jetz, scho zimmlig gediige
und pöbelkontakt probiert me z vermiide
wenn mol uss der "uusekunnsch" isches fritig zobe
wenn de am "bloose" bisch, am aubärg oobe
alhoil, rhino und platini widme sich scholang em bier
währenddesse wird bi euch hinde immerno "diskutiert"
elei well der nid wüssed welle ussgang jetz näh
hät scho e mänge vo uns greitzt zum euch e kläpper z'gäh*
und nach de iebige goht me ins "all'barone"
dört ka me sich halt ein gäh wenn me grad dört duet wohne
verschiggt dadaistischi sms an lüt
und verwirrt mit vorliebi die aabättete brütt
so muesch di nid wundere wenns nie dued funze
bis du mol e frau hesch, hesch scholang runzle

*nei, dasch jetz nid ärnscht gmeint... ich ha alli stainlemer gärn... wirgligg !!!
"ihr wüssed gar nid was ihr mir bedüttet *schnüff*"

My Konter (merke: aifach z vyl Zytt - okay aigentlig scho nit, aber me nimmt se sich halt...):

"Ewig lang hesch für dä Konter jetzt gsammlet,
mit andere Lüt verbal zerscht no grammlet.
Dir stundelang dänggt - wär isch denn dä Tülli?
und Uuse kunnt Dünnschiss in Hülli und Fülli.
Saisch es jo sälber, vo mim Läbe hesch kai Blasse,
kai Wunder muesch denn lääsen uss der Kaffidasse.
Mit so falschen Aawüürf mutiersch böös zem Schnuuri,
wird Zytt bikunnsch wider emoll uffe Latz am Gebuuri.

Nit alles wo sich no gärn tummlet im mim Schatte,
isch vo mir handverlääse usgsuecht zum Begatte.
S isch jo okay, ass me das maint im Pubertiere,
aber mii duet so Saich gar nit erscht enerviere.
Bi dir isch das schyynbar jetzt halt grad die Phase,
dängg ans Conny und butz der nit z vyl Naase!

Der Marquard wurd dy grad in Boardroom zitiere,
und der saage sottsch dy zerscht mol informiere.
Die Daame wo du do duesch propagiere,
wurd dir sogar verzelle was wirglig duet passiere.
Doch für so Forschig und Yysatz bisch halt z fuul -
do blybt halt nur s Aigegool: Nimmenimmuul!

De hättsch jo mit vyl Glügg der wund Punggt fascht droffe,
Wo denn aber Nämme nennsch bisch wool böös bsoffe.
und öppe so dräffsicher wie friener über Bolzblatz bisch gloffe.

No wirfsch mer no vor ych sig en elitäre Dödel,
hesch aigentlig Rächt, was diskutier ych mit dir vom Pöbel?
Ass ych no mit dir reed lauft schlicht unter Entwiggligshilf,
stoosch jo scho wenn inne Buuredisco willsch bald moll im Schilf."

To be continued? Wär waiss...

Verhaltensforschig

Mer wänn jetzt doo nit uff dä rundum glunge Samschtig (*hüstel*) oder das Groupie wo em Frrrrünt d Hand entrisse und my denn aagstarrt het won y geschter verbyy stolziert bi yygoo.

Stattdesse söll s Verhalten in gwüsse Situationen e Thema syy. Mittlerwyyle het sich für mi uusegstellt ass men in däm komische PC-Gang im A-Gebäude unte maischtens in irgendwelchi Konversatione mit wyyblige Wääse verwigglet wird. Y glaub dört dien aim die bsunders verzwyyfleten Exemplar amigs aifach abbasse. Anderersyts isch iins aigentlig gar kai laids gsii und ass me by däm komische "PC's wone Zyttli niemer bedient muess me blötzlig neu starte - what's a screensaver anyway?"-Modus my Hilf bruucht. Ass me mir noch däätigtem Sörfe denn allerdings en Abschiidsgruess duet zuekoo loo erstuunt doch. Y ha mer denn überleggt wär in däre Situation wie ghandlet hätt:

- D. uss A. : Iins gröbschtens disse und denn uff Dualette nää.
- P. uss R. : "Tschau" sage und denn allne verzelle ass me grad uffs Gröbschten aagmacht worden isch.

Wie men usem erschten Absatz vo däm Yydraag ka erkenne han y groossi Sympathie für die zwait Variante. Aber ass Original-Tülli isch die obligat Dänggfolg natürlig "Die maint sicher öpper anders" - "Oooops, do isch jo sunsch gar niemer" - e schüchs "ööööööö - adieu".

Sone Lääbe ass begnadete Womanizer isch scho hart - schlimmer braichts aim numme no wenn men ass Stalking-Opfer vo mer in Visier gnoo wird. ;)