What a Thursday

Noch däm Mackey-Event bin y am Morgen am 1 z Basel akoo. D Drummeli Wuchen isch in vollem Gang und d Medie hänn unsere bitz komischen Uffdritt sogar dailwyys no richtig gail gfunde (Banause sinders).

Jedefalls isch wie letsch Joor au scho d Pfäffinger Kindergartefasnacht mit em Hemmli uffem Brogramm gstande. Vyl gschloofe han y nit und denn isch au dä Umzug mit 3 (inkl. mir) Lüt scho losgange. S het no guet gsoundet, obwool y scho die aint oder ander Schwechi offebart ha. Noch däm kurzen Umzug het me denn (so uff die 10i) die erscht Fläsche Wysse z zewait killt. Bim Hemmli dehai hets zem Zmidaag denn e Lasagne und e Fläsche Rote gää. Und well mer none zewaiti Fläsche uffe gnoo gha hänn het halt au no die miesse draa glaube.

Jedefalls isch es denn wytter an d Kinderfasnachten in Aesch und Rynach gange. Nochhane het me denn halt scho wider Durscht gha. Ainigi Stunde, interessanti Glyggediskussione und je 6 Bier spöter bin y denn grad uff s Znacht hai. Spöter hets am Drummeli natürlig au no s aint oder ander Bier gää, aber für das goots mer hüt aigentlig seer guet, vo däre miesame Verkeltig emoll abgsee.

Hüt kunnt jetzt der nej Stainlemer uuse. S isch kai grosse Wurf, aber ganz in Ornig. Vergliche mit dem Oberhammerzeedel stinggt er ab, aber das isch mer denn au wichtiger, das Verdailpamphlet. Der Fred und s Mary, unseri Sektion Flordia, fliege für s Drummeliässen am Samschtig sogar äggstra scho friezyttyg yy - das wird eh e glatte Daag, v.a. an der Dernière wärde mer by de Glunggi vornedraa wool nit numme hinterem Vorhang dumm due. Sone Militärmärschli hätts aigentlig scho verdient ass mir uns do no bitz versterrgt im Hintegrund mit wippende Larve zaige.

Mackeys

So, noch em Event mit de Mackey waiss y jetzt au was y für e Typ bi: Introversion, Sensing, Thinking, Judging. Sovyl zem Thema Selffullfilling prophecy. Interressant und glatt isch es drotzdäm gsii, au as ainzigen Introvertiere - YCH ha jo der Applaus biko (für "now I have an official excuse for my weak class participation") und my eggstremschtens vo der Massen abgoobe. Unseri Dame het allerdings au Rächt gha: Mer hänn scho me "I"s, aber die draue sich halt noch de 5e nümm uss em Huus.

Mit däne 70h-Berooter ka me sich übrigens no guet unterhalte (hejo, ain het jo au s glyych Profil wien ych - und ych jetzt s Visitekärtli, obwool en numme no Zwilling gnennt ha). Jetzt wüsse mer au ass sich die e friendly banter könne liifere ooni sich genauer z kenne. Wytteri Theme näbe däre Polygamie-Diskussion (mitere "Kollege"-Dänzerin ind Ferien imene Doppelzimmer und d Fründin wartet dehai? Aber hallo....) sinn Altstette (isch sofort uffkoo noodäm y my als gaile Basler goutet ha, nochhär bin y denn jedefalls seer diplomatisch gsi...), Musicstar (Mia strunzdumm, der Roman irgendwie cool aber denn doch en Arsch) und so allerlei gsii.